အဆင်သင့်မဖြစ်သေးသော အိပ်မက်

နေကတော့ အလိုက်သင့် အလျားသင့် ဆက်ဝင်သွား
နေလုံးကြီးမရှိတော့မှ ည ဟာ ပိုပြီး လှုပ်ရှားအသက်ဝင်
နုတ်ဆက်သွားရတော့မယ့်  လက်တစ်စုံအတွက်
အတိတ်ဟာ ကြေကွဲစရာလား ၀မ်းနည်းစရာလား
ဒွိဟတွေနဲ့ မိုးသောက်ကြယ်ဟာ မျက်ရည်စွန်းထင်
ဘ၀ ဟာ ထင်ထားတာထက် ပိုတိုလွန်းတယ်
ဘာမှမလုပ်ရသေးဘူး ဘာကိုမှလည်း မသေချာသေးဘူး
မက်ထားတဲ့ အိပ်မက်တွေခမျာ ...
ရှေ့ကိုသွားရမှာလား နောက်မှာကျန်ခဲ့ရမှလား
မသေချာ ...
အမှောင်တွေထဲမှာ စိတ်ကလေးမှောင်နေလိုက်ပုံများ
အရာရာဟာ မဟူရာအတိ
သတိရခြင်းတွေ လွမ်းဆွတ်ခြင်းတွေ
မှုန်ရီဝိုးတ၀ါး လမ်းမီးတိုင် အလင်းကလေးနားကြားကျန်ခဲ့
မင်းပျော်ခဲ့သလား ...
ငါကရော ပြောခဲ့သင့်သလား မသိဘူးကွယ်ဆိုလဲ
ကိုယ်ယုံကြည်ရာ ကိုယ် ဆက်လျှောက်ကြရုံပေါ့
မင်းဘာများ တတ်နိုင်မှာလဲ
ကျွန်တော်ကတော့ သက်ပြင်းတွေ ခပ်တိုးတိုးချပြီး
အားလုံးကို မသိချင်ယောင်ဆောင်ဖို့အဆင်သင့်
ဘာမှမခိုင်မာတဲ့ အိပ်မက်တွေအတွက်
ဘာကတိတွေများ ထပ်ပေးရအုန်းမလဲကွယ်
နောက်တစ်ခါတွေ နောက်ထပ်တွေ နောက်ဘ၀တွေ
ကျွန်တော်တို့ဟာ လရောင်ငတ်မွတ်ကြသူများ
ကိုကြယ်စင်ရယ် ခင်ဗျားဆီရောက်ဖို့
ဟယ်ရီဟာ ဘယ်နှပျလောက်စောင့်ရအုန်းမလဲလို့
မိဖြူက မေးခိုင်းလိုက်တဲ့ညမှာမှ
ငါတို့ အသည်းကွဲ ကွပ်ပျစ်ပေါ်မှာ ...
ဂစ်တာထိုင်တီးမိလိုက်ပါပေါ့လား
သုံးနေကျဝေါဟာရတွေထက် ပိုပြီး
ဘာတွေကိုများ ခင်ဗျားကသုံးချင်သေးလားလို့
မမေးပါနဲ့
အဖြေပေးပါကွယ်
မဖြေပါရစေနဲ့
မေးခွန်းတိုင်းအတွက်
လိုအပ်တာက အဖြေမှမဟုတ်တာ
ဝေ့လည်ကြောင်ပတ်တွေနဲ့ အသားကျတာ မကျတာ အသာထား
ခုတော့ အချိန်တွေက ထင်ထားတာထက် တိုလွန်းတယ်
ပြန်ပါရစေတော့
တစ်ခုခုတွေ အဆင်ပြေဖို့မပြေဖို့ထက်
ပုံမှန်ဝတ္တရားအတိုင်းပဲ သူ့ဘာသာသူပဲ ဆက်လက်
ငါတို့ခေတ်ကိုရောက်မှာကိုလည်း ထားခဲ့
ကမ္ဘာမြေငြိမ်းချမ်းပါစေကိုလည်းထားခဲ့
ကျွန်တော့်ကိုလည်း ထားခဲ့
ထားခဲ့ .... ပါ
ဒါလေးတစ်ခုတော့
အဆင်သင့်ဖြစ်ခဲ့ပြီ ထင်ရဲ့ ...



လင်းသွေးအိမ်၊တောင်ပေါ်မြေ၊
5.6.2014

အရင်လိုတွေပဲ ညတွေဟာလတ်ဆတ်နေတုန်းပဲ

မမျှော်လင့်မိပါဘူး
ဘ၀ဟာ ဆတ်ကော့လက်ကော့နိုင်တတ်မှန်း
အိပ်မက် တစ်ကီလိုထက်ပိုသော အလွမ်းလတ်လတ်ဆတ်ဆတ်တွေ
ဒီမှာ လိုသလောက်ရနိုင်တယ်
အဝေးက လေလှိုင်းတွေထဲမှာ
သံယသလှိုင်းတွေမပါရင် သိပ်ကောင်းမယ်
ငါဟာ လူလိမ္မာတစ်ယောက်တော့မဟုတ်ခဲ့ပါဘူး
အပေအတေတစ်ယောက်ရဲ့ နောက်ဆုံးအိပ်မက်ဟာ
အဲဒီလောက်တော့ မကပ်သတ်ခဲ့ပါဘူး
မိုးတိမ်တွေထဲက မိုးတိမ်တစ်ပွင့်ပါပဲ
မသေချာခဲ့တာ သေချာသလိုလိုနဲ့
ရုတ်တရက် မင်းဖွင့်ပြောလိုက်တော့
ငါ့ခမျာ သွေးတော့မပျက်သွားခဲ့တာကိုပဲ ကျေးဇူးတင်ပါ
လမ်းဆုံဟာ ...
အဲဒီ့မှာ မင်းလို တော့ ဟက်တက်ကွဲမသွားခဲ့ဘူး
မေ့မေ့နေတဲ့ မသိကျိုးကျွံမှုတွေအတွက်
ခွင့်မလွှတ်လိုက်ပါနဲ့
လေတိုက်သံကြားတိုင်း မုန်တိုင်းတစ်ခုမဟုတ်နိုင်တာ
သိဖို့ကြိုးစားချင် ကြိုးစားပါ
မကြိုးစားချင်လည်း မကြိုးစားပါနဲ့
နပိန်ကန်ခံခဲ့ရတာ ...
ကြာတော့လည်း
အောက်သက်ကြေနေပေါ့
မေမေရေ ...
ပုံပြင်တွေဟာ ငယ်ငယ်တုန်းကလောက်တော့ မချိုမြိန်တော့ဘူးလေ ...။



လင်းသွေးအိမ်၊တောင်ပေါ်မြေ၊

ဟိုမရောက်ဒီမရောက် စကားစုများ

အိပ်ချင်တယ်ဗျာ။ မျက်လုံးတွေက ဖွင့်လို့မရအောင်ပဲ။ ဘာဖြစ်လို့ ဒီလောက်အိပ်ချင်နေမှန်းကိုမသိဘူး။
နေပူလို့လား။ ညက အိပ်မပျော်ခဲ့လို့လား။ ဘ၀ကပဲ ပျင်းရိညည်းငွေ့ဖွယ်ကောင်းလွန်းလို့လား။
ဘာကြောင့်ရယ်တော့ မသိဘူး။ လောလောဆယ် အိပ်ချင်နေတာကတော့ အသေအချာပဲ။တကယ်တော့
အိပ်တယ်ဆိုတာ သေခြင်းအငယ်စားတစ်ခုပဲလို့ပြောကြတယ်။ ဟိုကောင်များ အိပ်နေလိုက်တာ သေနေတဲ့
အတိုင်းပဲဆိုတဲ့ စကား ခင်ဗျားတို့လည်းကြားဖူးကြမှာပါ ။
အဲသလိုပြောလို့ ကျွန်တော် ခဏလောက်များ သေချင်နေလားမသိဘူး။ သေတာဟာ ငြိမ်းချမ်းသလား။
အေးစက်တည်ငြိမ်တယ်လို့ပြောနိုင်မလား ။ ကျွန်တော်တော့ မပြောတတ်ပါဘူး။
လောလောဆယ်တော့ အရမ်းအရမ်းကို အိပ်ချင်နေမိတယ်။ မာရီလင်မွန်ရိုးက ဘ၀ကို တကယ်ပဲညည်းငွေ့
ခဲ့လေသလား။ အဲဒီ့မင်းသမီးရှိသေးရင် ကျွန်တော်သွားမေးမိမယ်ထင်တယ်။ ဘ၀ဟာ စိတ်ပျက်ခြောက်သွေ့ စရာ ကောင်းသလား။ ပျော်ရွှင်ဖို့မကောင်းဘူးလား။ ငယ်ငယ်တုန်းက စိတ်ပညာ
စမ်းသပ်မှုမေးခွန်းတွေဖြေတုန်းကတော့ ဘ၀ဆိုတာ ပျော်စရာကြီးပါ ၊ဘ၀ဆိုတာ ဘနဲ့ဝပေါင်းထားခြင်းပဲ
တို့ ဘာတို့ ပြောခဲ့ဖူးတယ်။
အခုရော ဘ၀မှာ ဘာတွေဘာလိုဆက်လုပ်ပြီး ဘာတွေဆက်ဖြည့်ဆည်းရမှာဆိုတာ ကျွန်တော်မတွေး
တတ်သေးပါဘူး။ လူဆိုတာ သေခြင်းနဲ့ မကင်းလွှတ်ဘူးဆိုတာတော့ သိနေပြီဆိုပါတော့။ ဒီလိုဆို ဘ၀ဟာ
ဘာများပြောစရာ ကောင်းမလဲဗျာ ။
 အရှူံးပေးခြင်းတွေနဲ့ တော့အဆုံးမသတ်ချင်သေးတာတော့အမှန်ပါပဲ ။ဘာပဲဖြစ်ဖြစ် အပြည့်အ၀ထိုက်တန်စွာ ငါနေရမှာပဲ ဆိုတဲ့ အဆိုအမိန့်ဆရာကြီးတွေလို မာမာထန်ထန်ပြောပစ်ချင်သေးတာပါပဲ ။


လင်းသွေးအိမ်၊တောင်ပေါ်မြေ၊

အဖိတ်အစင်များတဲ့စကားလုံးတွေနဲ့ ညနေကို ပွေ့ဖက်ခဲ့တဲ့အိပ်မက်

     စည်းဝါးနရီတွေနဲ့ကိုက်ခဲ့တဲ့ည။ မသေချာပါဘူးဆိုလည်း ဆက်သွားချင်ရင်ဆက်သွားပေါ့။ဘာမှပြော
စရာမရှိတော့ပါဘူး။ ညနေညိုရီကိုမှ ဂရုမစိုက်တတ်တော့လည်း ဘယ်တတ်နိုင်မလဲ။ စံပယ်ရနံ့တစ်ခုတစ်
လေတောင် မစိုစွတ်ခဲ့ရဘူး။ ဝေးသွားပြီဆိုမှတော့ ဘာကို ဆက်လွမ်းရမလဲ။ မသိတော့ ။ တကယ့်ကို မသိ
တတ်ခဲ့တော့တာပါ။ လွန်လွန်ကျူးကျူးတွေကို မလွန်ကျူးဖို့ ဘာများ ဆက်ပြောဖို့လိုအပ်မလဲ ။ အဲဒီ့ညတုန်းကတော့ သူမဟာ လူတစ်ယောက်မဟုတ်ဘူးလို့ ငြင်းခဲ့ဖို့ကောင်းတာပေါ့ ။ခုတော့ သူမဟာ
မိန်းမတစ်ယောက်ဖြစ်နေမှန်းမသိ ဖြစ်နေလေတော့တယ်။ သိပ်တော့လည်း အဆင်မပြေပါဘူး။
သူမဘာတွေကို ကြိုက်တတ်မှန်း အမှန်တကယ် ကျွန်တော်မသိခဲ့ပါဘူး ။ကျွန်တော်သိခဲ့တာက သူမဟာ
ဒါဝင်ရဲ့ သီအိုရီအရ မျောက်တစ်ကောင်ဖြစ်ခဲ့တယ်ဆိုတာပါပဲ ။

    မျောက်တွေ အငြိမ်မနေတတ်တာ ကျွန်တော်ကောင်းကောင်းသိပါတယ်။ သူမကိုတော့ မျောက်လို့မထင်
မိတဲ့အတွက် ကျွန်တော်မှားခဲ့ပါတယ်။ အမှန်ဆို အစကတည်းက သိသင့်တာပေါ့။ ဗျူ ဟာတွေ မာယာအသေတွေအကြောင်းလောက်တော့ ။အကြမ်းဖျင်း သူမဟာ လူတစ်ယောက်မဟုတ်ဘူးဆိုတာ
လောက်ပေါ့။

      ထားပါတော့ ။ဧပြီရဲ့နွေတွေကိုလည်း ထားခဲ့ပါတော့ ။ဘာမှရစရာမကျန်တော့တဲ့ ငါ့အတိတ်တွေကို
လည်း ထားလိုက်ပါတော့ ။အခြေအနေအရ ပူရာပူကြောင်းတွေကိုလည်း ထားခဲ့ပါတော့။ ထားစရာရှိတာ
တွေ အကုန်လုံးတတ်အားသမျှ ထားခဲ့ပါတော့ ။

    အဦးအဖျားသည် အဦးအဖျားဖြစ်အံ့။ ကောင်းလင့်တည်း ကောင်းလင့်တည်းဟု အိုကြာဖြူက မိန့်လေ
သည်။ ကျောက်စာသည် လိုအပ်တာထက် ပို၍ ကျိန်တိုက်လေသည်။

   ညအခါ လသာသာတွေထဲမှာ မထွေးဖမ်းမိတာ ကျွန်တော့်အပြစ်ဖြစ်လေသည်။



လင်းသွေးအိမ်၊တောင်ပေါ်မြေ၊

အိမ်ပြန်နောက်ကျခဲ့တယ်

ထင်မထားခဲ့ဘူး
အစောကြီးကတည်းက သိသင့်ခဲ့တာ
တကယ်ဆို
ကိုယ် ဒီလောက်မအခဲ့သင့်ဘူး
ခုတော့လေ
နောင်တရစရာမလိုတဲ့ နောင်တတွေနဲ့သာ ကိုယ့်ခမျာ
ဝပ်တွားခရခဲ့ရ
အခြေအနေအရ
မကင်းရာမကင်းကြောင်းတွေနဲ့
ကိုယ်တို့သမိုင်းကို ဖြတ်ခဲ့ရတယ်
နှစ်ကာလတို့ရေ ...
ဘာပဲပြောပြော ကိုယ့်ကိုကိုယ်တော့ အားနာခဲ့သင့်တယ် ။ ။

လင်းသွေးအိမ်၊တောင်ပေါ်မြေ၊
9.5.2014